För mech als Samichlaus esch es ganz wichtig, dass mer de Natur tued Sorg hebe. Abfall ghört in Chübel, en Pet-Fläsche i die separati Box. Ech weiss, die Erwachsene send mängisch ned gueti Vorbilder ond rüerid Sache oder Zigarette an Bode – aber das sett mer ned mache. Wenn di Erwachsene das machid, chönd ehr ehne au säge, dass mer das ned macht.
Drom lauf ech zo allne Chinde hei ond fahre ned met em Auto. Denn ben ech a de frösche Luft ond chan au ganz vellne Lüüt ond Chinde zuewinke ond öppe mol es Nüssli verteile. Wenns natürlich ganz fest windet ond rägnet, händ mini Schmutzli au ned emmer froid zom usegoh, aber zom Glöck händ si ganz gueti Chleider – ond wenns denn mol dusse sind, machts ehne sogar im Räge oder im wilde Schneegstöber Spass.
Wettsch Du meh öber d’Natur erfahre und dusse si, chan ech der folgendi Organisatione empfehle: